KSP Makmur Mandiri
Sabtu, 21 Januari 2017 05:34:00

Songon na di Apitson i

Oleh : Sampe L. Purba
BAGIKAN:
Ist
Sampe L Purba
Nantoari, dung mulak sian Pekanbaru, ala adong ulaon adat, dijou Amani Altup ma anakna si Altup, doli doli naung hira tang jala nunga adong usahana. Prospektif. Alai laos so marhira tudia dope molo dijujui marhasohotan. Produk generasi nuaeng do si Altup on. Anaknya gaul. Kekinian. Alai tong dope ingot jala hormat mangoloi garis-garis besar poda ni amana.
 
Buti anaha Altup, ninna amani Altup, huhut dipajonok hundul. Adong huida di Pekanbaru, sada anak boru margoar si Roos, malo marende huria, alai donda. Encik do karejona. Dung hupatakkas, adong dope hubungan keluarganta hape tu nasida. Ompung ni Ompungmu najolo mangalap ibotoni Ompung ni Ompungna. Jadi tardok paribanmu dope si Roos i. Nahudok Anaha - hasian - ua ima topot puang. “Selain suman do huida secara jasmani dan rohani, ba sekaligus doi manambori mangulang manunduti tu bogas ni Ompungmu di ginjang. Ai nunga hula-hula ni Ompungta hian nasida. Jadi tar songon takke sumuang  tu sokkirna doi Amang”. Sada tinembak dua na hona. Manat do dirajumi jala dipahusor husor  si Altup hata ni amanai. Marhusari ma rohana di bagasan.
 
Sabotulna nunga adong dongan-dongan ni ibana. Boru halak ion.  Burju muse, lago-lago makkatai, jala soarana pe metmet merdu songon na mangellem. Nian ndang pola hokkot dope hatana mangihot tu itoani. Alai adong songon na dilehon harapan. Hori ihot ni doton, hata do siingoton. Ndang tega ibana maninggalhon itoani, ianggo so adong sikkam mabarbarna. Mardomu tuk mai muse nunga antar  intensif  pargaulan nasida. 
 
Gabe songon na busisaon ma ibana humasusa. Galau didok hata nuaeng. Diboto hamu do? Ninna siAltup, nunga sipata songon na di apitsoni imana sasahali dohot itoani. Tinggal mamanuti nama. Hamuna, tar boha do tahe pangalaho ni na songon na di  apitson i ate.(Sampe L Purba)
  BeritaTerkait
  • Puisi untuk Guru dari Tansiswo Siagian

    4 tahun lalu

    MAULIATE GURU Pita somarlaok, dadap-dadap Songon na so marnida Lambok ditogu ho ahu

  • OMBUS OMBUS GABE NGALIAN

    4 tahun lalu

    OMBUS OMBUS GABE NGALIAN. Ombus ombus nungnga lam ngali Parombus ombus sai manghitiri busisaon, lomos mintop lam sumurut panghirimonna manghitir angka dot dot dugulna dilanja tu do

  • Daompung Parpoda Na Tur " Haserepon "

    4 tahun lalu

    Di musim mudik nantoari sada, husiluhon do mandapothon sada tokoh. Natua-tua, naung marumur 84 taon.  Belakangan on dung dijalo nasida ulos matua nunga bakkol be  laho tu Jakarta/ Bandung

  • Jamita Sadarion sian Pdt Dr Robinson Butarbutar, Dosen STT HKBP: Naposo ni Debata

    4 tahun lalu

    1. Tu Sipareon ni na umbege jala tu Roha ni na jumaha na parjolo ni panurirangon ni si Jesaya on, i ma nasida naung tarbuang, naung agoan masa depan, naung manghilala naung diuhum jala ditadingkon

  • Partandang na Bitik

    4 tahun lalu

    Adong do sada boru ni Ama ni Panukkunan, margoar si Lastiar Christina Margareth. Biasa dijou si Lastri. Na burju do Si Lastiar on jala pargaul. Nang pe boru siampudan. Unduk marnatua tua. Uli rupan

  •   komentar Pembaca
    Copyright © 2020 Pelita Batak Online. All Rights Reserved. Design by. heriweb