KSP Makmur Mandiri
Selasa, 04 Desember 2018 13:55:00

Ale-ale ni KESAR

BAGIKAN:
Ist
Sampe L Purba
Oleh : Sampe L. Purba

Di tikki nagalia, adong ma sada doli doli naung tobang (ndang dope satonga baya) tarboan tu paruhuman mangalului hatigoran (seek for justice) di harajaon/ imperium Romawi kuno. Nunga mapusa ibana, marsalaon tanggurungna, magumbang uluna, tarrarik marmudari bohina. Dung dipareso Pejabat na berwenang, na so adong sala ni si bayo nanialuhon ni situan natorop i, dilului Pejabat i   ma dalan laho paluahon sitarapan/ tertuduh/ the accused i. Di imperium Romawi kuno, mansai diargai do uhum. Ikkon na haposan do asa diangkat Kesar gabe wakil (representatif)na di luat na ginonggomanna.

Mardomu mai ala maol dope komunikasi tu luat na dao bariba laut, manaripari dolok na tarjing,  rura na rahis,  tombak na limut limuton, harangan rimbun rea,  paranggun anggunan ni homang, parhais haisan ni babiat. Ikkon na pos situtu do roha ni Kesar , asa dipaojak maniop sada ulaon di luat ginonggomanna. Lolos dan lulus fit and proper test. Ikkon parhatian pamonaran, sitiop dasing na so ra meleng, na so marpangansi. Pejabat diangkat laho pajongjong uhum, kewibawaan dan keagungan ni harajaon i do. (to promote law and order, glory and prosperity). Tigor di uhum. Geen straf zonder schuld. Actus non facit reum, nisi menssit rea. Ndang mararap na so magulang. I do hagogoon ni harajaon i.

Alai ro ma provokator ni situan natoropi mandok :"ia sitarapanon, na makar do, naeng bangkit raja ibana. Molo so dipasahat ho ibana laho uhumon nami (hombar tu adat na pinukka ni oppunami na so maralo tu uhum ni Kesar i), awas. Berarti na dohot do ho sip-sip memihak tu ibana. Ndang ale-ale ni Kesar i ho".

Holan disinggung, hata ale-ale ni Kesar i, pintor mombut ma Pejabat on. Marlobok taroktokna, nang pe diboto ibana takkas na so adong parsala bayo on na patut marutang hosa. Hata "ale-ale ni Kesar", ndang gabe dibahen ibana kesempatan dalan pahot uhum dohot hasintongan. Ndang diingot be uari/mangmang/ sumpah na mandok "nang pe magargar langiti, na so tupa meleng ianggo uhum. Fiat justitia ruat caelum". Asal ma selamat kursi habangso dohot jabatan on. 

Adong do tolu mansam rumang ni pangalaho ni jolma, na sedang menjabat haposan gabe ale-ale ni Kesar. Hata nuaeng,  akka kelompok Ring Sada ma on. 
Parjolo, tarsongon cerita na di ginjangi ma. Ilmu selamat. Demi kedudukan, tung pe halak na so marpipot na gabe korban. "Asal ma unang na langsung sian tanganniba on ibana madabu", ninna huhut mamuri tanganna. 

Hape, na wajib jala patut do posisi, kewenangan dohot kedudukanna mencegah unang terjadi chaos dan ketidak adilan. Pembiaran, tutup mata, nyaman dalam comfort zone. Ima istilahna. 

Paduahon, on do pe jumorbut. Cari muka. Molo porlu mengorbankan orang, asa unang adong sainganna. On ma paberik ni fitnah, hoax, late, hosom dohot elak. Ise na potensial gabe pesaingna, agia pe sisolhot, kolega manang anak buahna, sai dilului do dalan, asa gabe sisogo di mata ni Pimpinanna. Ndang masuk di akkal manang kamus ni manisia sisongonon, hata bisuk namandok "Pemimpin melahirkan Pemimpin, bukan Pengikut".

Tindos. Lompit. Parsulampak. Ai tikki metmet do api dongan, molo dung balga pa ro mara do. Dilului on ma pembenaran. "Marroha ma hamu songon darapati, marbisuk songon ulok". So binoto muse, manang sian dia kamus sisongonon dienet. 

Patoluhon. Ima na rela mengorbankan kepentinganna demi manjaga ide, cita-cita dohot kepentingan na lebih luas. Tar songon di carito ni Kerajaan Romawi na diginjangi, agia pe songon na sipata maralo tu Pimpinanna, ndang meret on sian pendapatna, ianggo tikkos do. Ndang penjilat.  Argumentasi dohot jalan keluar do dilehon tu Pimpinan, molo sekirana adong tindakan ni ibana na agak kontroversial, na so tarjalo Pimpinanna. Alai ndang olo ibana manjehehon (menikam dari belakang), nang pe kecewa. Ra, na adong do na dumenggan dirajumi Pimpinani-Helicopter view-ninna do huhut mangapuli andorana naung madektuk marsalaoni. Sumpah terbesar saya adalah demi Negara, dan kejayaan bangsa. Na boi do Partogi marganti sorin, alai ianggo holong dohot pengabdianku tu Negaraon, ndang na olo magetep/ retes/ luntur. 

On ma akka Pemimpin di jalan sunyi. Nang pe ale-ale ni Kesar. Tumagon do ibana mengorbankan dirina, asal ma unang manimbil sian kepentingan jangka panjang ni harajaon/ imperium/ negara i. A man called-a man of his words. 

Di bulan dua bolas on, sambil manurat artikel on binege musik na angon-angon. Romantis melankolis. I'll be home for Christmas. Gabe huingot, adong sada Baoa na martipe sisongonon. Tar hira dua taon naung salpu, alai sai rata dope di parningotan. Ndang leleng ibana maniop huaso panggomgomion di sada luat na ribur metropolitan, ala pintor didabu jehehon halak. Hira na hurang muse ma idaon pangurupion tu ibana sian ginjang. Ra, sipata mandate  malengleng do ate-atena di bagasan.  We love you, Bro.
Jakarta,  021218.(*)

  BeritaTerkait
  • Nunga jumpang muse ARI PESTA i

    2 tahun lalu

    Na jolo - Tolu do ari besar na sangat berkesan di huta nami na merupakan people festivy and carnaval. Ima parjolo - ari kemerdekaan di bulan Ualu. Ulang taon do didok ari kemerdekaan 17 Agustus. Nd

  •   komentar Pembaca
    Copyright © 2018 Pelita Batak Online. All Rights Reserved. Design by. heriweb