• Home
  • News
  • Pesan Pdt Dr Robinson Butarbutar lewat WA Kepada Pendeta HKBP
Kamis, 18 Januari 2018 08:32:00

Pesan Pdt Dr Robinson Butarbutar lewat WA Kepada Pendeta HKBP

BAGIKAN:
Ist
Pdt Dr Robinson Butarbutar
"Horas manogot di angka Dongan Pandita HKBP  Hinaholongan"

Di minggu na salpu  nunga taboto ise angka Bakal Pasangan Calon sipilliton ni rakyat di Pilkada taon on, 2018, di Sumut dohot di propinsi na asing, di inganan ulaonta nang di inganan na holang sian hita. Binege tgl 21 Januari 2018 do dipungka Verifikasi tu angka nasida jala tgl 12 Pebruari ma ari Penetapan Calon. Ro ma tingki kampanye terbuka dohot kampanye tertutup dung i.

Dung i sahat ma angka na marhak mamillit muse tu tingki manontuhon ise ma sian angka calon i sipilliton nasida. Sahat tu ari i, adong do ra na  mamparsirangguthon sungkun-sungkun on: Dohot do ahu mamillit, dohot ma ahu mamillit manang ndang, jala ise ma sipilliton sian angka calon i?

Ala dohot do na masa di humaliangta siparateatehononta angka pandita laho patulushon ulaon tohonanta na arga i, ra na boi do nang hita ndang so boti gabe holan pamillit passif sambing, alai gabe laos   parsidohot aktif situtu manosoi ruas  asa dohot mamillit, alai laos tarunjun dohot  manosoi ruas asa mamillit pasangan calon na sada on, ndang na sada an, songon i nang  secara terbuka pabotohon dukunganta tu pasangan calon on manang pasangan calon an. 

Siala diboto angka pasangan calon i do potensi pangunjunan na songon i na taadopi olo do ra nang nasida angka pasangan  calon i tarunjun mangalehon pangurupionnasida dohot ragam dalan tu dirinta, tu keluarganta, tu ulaonta dohot ulaon ni huria/lembaga na tauluhon/ingananta mangula, nang punguan na tauluhon laho manait rohanta/keluarganta/ruasta/na tauluhon asa mamillit nasida  di ari pamilliton  i. (Catatan: Mangihuthon undang-undang Pemilihan Umum ndang diloas sisip marrumangkon hepeng, manang politik uang. Tapajamot dirinta disi.)

Siala ni i, songon pandita ni huria na naung magodang, naung mamolus marragam pemilihan umum hita jala songon pandita na dohot mamaritahon dohot  mangulahon hatigoran (keadilan) nang dame,  didok rohangku, denggan do molo tapatujolo "panggora ni roha" songon suhat-suhat siihuthononta dohot siihuthonon ni  ruasta di na manontuhon dohot  mamillit sipillitonta/nasida. 

Huhut ma tahe tauduti di tangiang pangondianta di ariari na ro on asa tongtong di bagasan dame ngolu ni bangsonta uju jala dung Pilkada Serentak taon on, dao sian parbolatbolaton na boi manusai ngolu ni bangsonta muse, asa unang siala ni i gabe mansohot pembangunan ni bangsonta. 

Asi ma rohaNa di hita, dipasupasu ma Pilkada taon on bahen hamajuon ni bangsonta dung leleng hita tartading sian angka bangso di humaliangta, asa lam moru torop ni na pogos, asa jongjong uhum, mardamedame ngolu ni bangsonta, boi ganup mangula ulaonna mandungdung sintasinta  na dengganna be.

Tabe mardongan tangiang.
Parsameanta di Pematangsiantar, 17 Januari 2018
  BeritaTerkait
  • Tanggapan Inti terhadap "Draft Aturan Peraturan HKBP 2002 Hasil Amandemen III"

    3 minggu lalu

    Oleh: Pdt Dr Robinson Butarbutar Parsameanta, STT-HKBPI. Dasar Ekklesiologi HKBP yang sudah disusun oleh para tokoh HKBP melalui sejarah pengalamannya bergereja yang sudah hampir 157 tahun adalah ekkl

  • Pdt Dr Robinson Butarbutar Serukan Menolak Pelemahan Sistemis terhadap Komisi Pemberantasan Korupsi

    8 bulan lalu

    Teman-teman yang budiman, penggerak reformasi di negeri tercinta. Hingga hari ini kita dengan tekun mengikuti upaya-upaya sistemis melemahkan kinerja KPK dalam memberantas dan mencegah tindak pid

  • Ini Pendapat Ephorus Emeritus HKBP Pdt JR Hutauruk tentang Pdt Robinson Butarbutar

    2 tahun lalu

    Sipoholon (Pelita Batak) :<br></br> Emeritus Ephorus HKBP (Periode 1998-2004) Pdt Dr JR Hutauruk meminta kepada seluruh warga jemaat dan para calon untuk tetap menjaga semangat kedamaian serta persatuan HKBP dalam melaksanakan Sinode Godang d

  • Robinson Butarbutar Effect, KRP, dan Masa Depan HKBP

    7 bulan lalu

    KETIKA Ketua Rapat Pendeta HKBP 2017-2021 mampu membawa kualitas pelayanan pendeta naik kelas dengan sejumlah prestasi yang bermulplipief effect (efek besar) bagi jemaat HKBP, saya menyebutnya dengan

  • Khotbah Evangelium Minggu XXIII Dung Trinitatis 19 Nopember 2017 Teks: Zephania 1: 7, 12-18 "Bersiaplah Menyambut Hari Tuhan"

    6 bulan lalu

    Oleh: Pdt Dr Robinson Butarbutar, Parsamean STT-HKBP Pematangsiantar. 1.Bagi komunitas orang-orang yang percaya kepada Allah yang tidak hanya menciptakan umat manusia tetapi  juga menuntunny

  •   komentar Pembaca
    Copyright © 2018 Pelita Batak Online. All Rights Reserved. Design by. ariewebnet